” دوي به کله هم و نه مني چې زه يو ښه شوکونکي نه يم “
” ده زما ډير ښکلي کجورو بوټو نه دا شوکه کړي ده ” د هغه پلار اوکيګبو ووئيل
” دا پينځه کاله زره خبره ده چې ما له لا د شوکې چل هم نه راتله ” اېبے ټولو ته يو ځلې بيا رس واچولو . چې ټولو رس وڅښلو نو د واده د زلمي پلار هغه خبره شروع کړه د کومې د پاره چې هغوي راغلي و . اوبيريکا د تيلو يوه جارو د هغه په لاس کښې کيښوده چې اوکيګبو وشمارل نو وې وئيل
” دا خو ديرش دي ” اوبيريکا په اثبات سره سر وخوزولو .
ځه ښه ده څه خو دي کنه چې وړاندې شول ” اوکيګبو ووئيل بيا بهر ووتل او صلاح مشوره ئي وکړه او جارو ئي بيرته کړه اوس پکښې صرف پينځلس تيلي و . د اوبيريکا مشر ورور ماچي هم وشمارل او وې وئيل
” مونږ خو دا سوچ هم نه وه کړے چې د ديرشو نه کم به ځو هغه د مشرانو خبره چې واده جګړه نه وي يوه لوبه وي نو ځکه مونږ هم به لږ شانې راټيټ شو ” هغه په پينځلسو کښې لس تيلي نور هم اضافه کړل خو اخر په شلو کاورو ( د افريقې سکه ) خبره پخه شوه .
ماښام شو .ښځو ښوروا او د کجورو رس راوړه او خوړه تمامه شوه نو په خپلو منځ کښې ئي د ګاونډيانو په حقله خبرې اترې شروع کړې .
” هم نن سحر مو د ابامے او اننتا په باره کښې خبرې اترې کولې چې يو معزز انسان بوټو ته وخيژي کنه نو د خپل کور والا و د پاره څه نه څه شوکه کوي . ” اوبيريکا ووئيل
” د هغوي ټول دود دستور الټا دے ټولو رسمونه ئي بدل دي . جهيز هم زمونږ پشان نه کوي او د بازار په شان پکښې بيعه کوي ” اوکونکو زياته کړه.
” دا خو ډيره بده خبره ده خو چرته چې يو څه خراب وي هلته څه پکښې ښه هم وي . په امونسو کښې خو د جارو د تيلو دا رسم هم نشته . بس زوم تر هغه پورې دولت په بورو کښې راوړي ، کيږدي ئي مخې ته تر څو چې سخر بس نه وي وئيلے او ټول فساد هم ددې نه جوړيږي . .
“دنيا ډيره لويه ده . ما خو دا هم اوريدلي دي چې په ځيني قبيلو کښې بچي د پلار نه بلکې د مور او د هغې د خاندان وي ” اوکونکو ووئيل
