د سکول طالبعلمان د پولیو د مينځه وړلو سفيران

تهيټر ډرامه: کاروان د امیدونو
ليک او هدايات: نورالبشر نويد
پروډيوسر :محمد منير
ساونډ انجينئر:اسلم باچا
کاسټ
عزېر شېرپاو، نوران شاه طوفان، زاهده تنها ، فرح خان، افتخار خان، فرهان ،حسن منير
لوکيشن
هائير سيکنډری سکول کاکشال نمبر4

په پښتونخوا کښې د پوليو د مخ نيوي دپاره چې څنګه مهمات په تېزئ شورو دی، دغه شان ورسره دصوبای ايمرجنسي اپرېشن سنټر)EOC) د يونيسف په ملاتړ د اوېرنس سلسلې هم په يو نوی انداز دوام موندلي دے، چې په سکولونو کښې د تهيټر ډرامو په زریعه طالبعلمانو ته پيغام ورکوی او د سکول طالبعلمان ې ځان سره په دې مهم کښې په دې طريقه شامل کړی دی، چې هغوی ته د ډرامې نه وړاندې د پوليو سره د نورو دولسو خطرناکو بيمارو په حقله ليکچر او د سوال و جواب سلسله وکړی، دغه شان د سکول ماشومانو په د پوليو د مخ نيوي په لړ کښې د سفيرانو کار اخلی، او بيا په دویمه مرحله کښې د تهيټر. ډرامې په زریعه د پوليو د مخ نيوي د اويرنس يو پيغام ورکړی،

په دې لړ کښې د دې لړئ اولنئ کړئ په هائير سيکنډري سکول کاکشال نمبر 4 کښې  کاروان د امیدونو په نامه يو سټيج ډرامه پیش کړې شوه، چې ټولو دا ډرامه ډېره خوښه کړه، په خصوصی توګه د پوليو متاثره کردار چې چائلډ سټار حسن منير ادا کړو ماشومانو باندې دغه کردار ډېر اثر وکړو ځکه چې هر ماشوم ته پکښې خپل ځان ښکارېدو، چې هغه د پښې د معزورتيا په وجه د سکول او د ژوند په نورو چارو کښې ډېر مشکلات لري په دغه موقعه د پوليو متاثره کردار په زړه راښکونکی انداز ووې..،

هاو دا زما تصوير دے، دا زه يم، دا دهغه ټولو معزوره ماشومانو تصوير دے، چې والدینو ورله قطرې نه دی ورکړے، هغه والدين د داسې ټول عمري معزورتيا زمه وار دی، چې په دې زمکه ې خپل اولادونه د بوج پشان ګرځي.

د پوليو متاثره کردار سره ماشومان او نور ټول ډېر جزباتی تاثرات وښودل،

په سکولونو کښې د دې تهيټر ډرامو مقصد ، پولیو  له منځه وړلو لپاره د سکول ماشومانو په زریعه کورونو ته دا پيغام وړل د دوی د «امیونایزیشن امبیسډر» په توګه روزل دي. او په ماشومانو کښې د داسې کردارونو په زریعه داشعور پېدا شی چې هغوی کور په کور دا پيغام اورسوی .

د پروګرام له مخې، په پېښور کې هغوی کولې شي چې په خپلو کورونو، ګاونډونو او ټولنو کې د پولیو واکسین د اهمیت پیغام خپور کړي. دا د دې لړۍ لومړۍ غونډه وه ،چې د سکول په ماشومانو او استازانو کښې ې يوه نوې جزیه راپېدا کړه،

په غونډه کې ایډیشنل سیکرټري صحت/کوآرډینیټر ایمرجنسي آپرېشنز سنټر شفیع‌الله خان، د PEI EOC تخنیکي فوکل پرسن ډاکټر علي حیدر، د WHO صوبایي پولیو اېریډیکیشن افسر ډاکټر سردار عالم، د یونیسف د ټولنیز بدلون سپيشلسټ دیانا ماریا پیرګا، سعدیه اعجاز، شاداب یونس، د ښوونځي مدیر، استادان او زیات شمېر زده کوونکو ګډون کړی و.

په وینا کې شفیع‌الله خان وویل چې زده کوونکي د ټولنې ډېر قوي پیغام رسوونکي دي او کولی شي د پولیو په اړه منفي پروپګنډو ختمولو کې مهم رول ولوبوي. نوموړي زیاته کړه چې د ځوانانو ګډون د ټولنو په منځ کې د باور جوړولو او د عامې روغتیا د پروګرامونو په کاميابئ کښې اهم رول لري.

د یونیسف کمینیکیشن افسرې شاداب یونس وویل چې د پروګرام له مخې به زده کوونکي د «امیونایزیشن کلب» غړي جوړېږي او هغه زده کوونکي چې غوره کارکردګي ولري، د صوبایي EOC له خوا به ورته تعريفی اسناد ورکولې کيږی. هغې وویل چې د واکسین وېره، غلط معلومات او د خلقو غېر دلچسپي په پاکستان کې د پولیو د ختمېدو لوی خنډونه دي، چې د ځوانانو په مرسته به په دې کمزورو قابو وموندلې شی. .

غونډه د صوبایي EOC او د ښوونځي د ادارې له مننې سره پای ته ورسېده، او زده کوونکو وعده وکړه چې دوی به د پولیو پر ضد جګړه کې خپل غټ اهم رول ترسره کوي او په خپلو ټولنو کې به د پوليو د خاتمې پیغام خپروی،

په سکولونو کښې د تهيټر. ډرامو دا سلسله ناستو کسانو او استازانو هم ډېره خوښه کړه ، د ټولو مجموعی تاثر دا وو چې تهيټر ډرامې دا کردارونه د پوليو د مخ نيوي په حواله د پوهې ډېر اهم رول ادا کولې شی ځکه چې دا لائيو اداکاری نيغ په نيغه د کتونکو احساسات بیداروي،