قطر نه د پښتو غږ

په پښتونخوا کښې د هر اپريشن په پس د ضم شوو علاقو څخه ترهګر نا،بلکې اولسونه بېدخله شی چې د ائ دی پيز نوم ورته ورکوی، که پخوا د افغان مهاجرينو کیمپونه جوړ وو او د هغوی مهاجرت په امريکه بشمول يورپي ملکونو او عربيانو خرڅېدل حتا چې د عربو نه د حج د قربانئ غوښې هم راتلی هډوکی د مهاجرينو او پسته غوښه د پاکستان وه نو دغه قيصه خو اوس پخوانئ شوه د هغه مهاجرينو نه فساديان ، او خوارج جوړ شول د هغوی د لاسه د ضم شوو علاقو خلق د خپلو ابادو کورونو نه بې دخله کيږی او پښتانه په خپل وطن کښې کډه پېر دی، خو دا ځل اولسونه وای چې مونږ کورونه په پريږدو

هسې خو د ټولو قبایلي ضم شده اضلاع اولسونو د حکومت له اړخه د آپریشن په نوم یو  ځل بیا د بېدخلۍ او په کورونو د مارټر ګولو خلاف لاریونونه کړدي  او لا روان دي

چې د مولانا خانزیب شهید په شان تکړه قهرمانانو پکښې سرونه وخوړل او شهیدان  شول، خو په تیراه کښې روانې شخړې نور هم د دې زور زیاتي خلاف شدت واخیستو.  په تیراه  باغ کښې د اوه کسانو د شهادت وروسته د مشرانو او کشرانو په شمول زرګاؤ کسانو د تالیبانو مرتبه ځایګي ته قرانونه په سر لاریون وکړو .او هغوي ته یې د خداے او د قران په خاطر د دې ځایه د وتلو ووئیل

دغه وينه لا تازه وه چې په 29 جولايئ په باجوړ کښې غېر اعلاميه اپريشن شروع شو د زنانو او ماشومانو وينه هم نوې شوه، عجيبه اپريشن دا دی چې د علاقې خلق پکښې شهيدان شوي او بيا نوره د تعجب خبره داده چې د باجوړ امن پاڅون د خېبر امن پاڅون د اولسونو شور او د تقريرونو ويډيوګانې لا خلق ګوری چې دپاسه پرې غېر اعلانيه اپريشن راغے، مونږ چې دغه ناتار ته ګورو نو دا د فوځ او د قام ترمينځه د يو جنګ نقشه لکه د بلوچ ياغيانو پشان جوړوی، دا خبره څرګنده

ده چې فوځونه د اپريشن په بهانه دلته د قامي شتمنو په لوټمار پسې راغلي دي ټول سياسی مزهبی او د هر مسلک او هر مکتب فکر خلق دا خبره په شريکه بيا بيا کوی چې زمونږ د خاورې شتمنئ پسې د اپريشن په نوم نه راځئ ، بجلی او ګېس خو رانه په کلکو سترګو اخلئ د اوبو غلا  رانه کوئ ، اوس رانه بيخی د معدنياتو غلا پسې راځئ او د آئ ايم ايف په قرضونو کښې د پښتونخوا زخائر ورکوئ ..؟؟ اوس دغه د سودا پښتانه  منی نا، د يو کور مالک به چاته څنګه اجازت ورکوی چې په خپله جوارئ کښې زما کور ورکړه ؟؟

بل خوا چې د قانون د پاسدارئ خبره راشی نو دغه ضم شوو علاقو خلقو ته به فوځ د پاکستان د سرحداتو ميخونه وئيل، نن پکښې اپريشنو په نوم خلق بېدخله کوی

چې په کومه بهانه دوي دلته عملیات کوي او اولس ته د وتلو واي او چې هغوي وطن نه پریږدي نو هره ورځ د تالیبانو سره د جګړې په بهانه په تش لاسه بې وسلې اولس مارټر ګولۍ غورځوي او ښځې ماشومان او خوانان پکښې په شهادت رسیږي. دا خو هر چا ته معلومه ده چې د امن خرابیدو مرکزونه چرته دي؟ هر څوک ویني چې د ایران څخه په لکونو بېرله تېل په غلا راځي هغه څنګه راځي او ولې پکښې څوک نه مري؟ بل د ایران ته تلونکي او بېرته راتلونکي بسونه کښې خالص د شناختي کارډ لرونکیو وژنه څه معنی لري؟ یعني دا چې په اړي ګړي کښې به د دوي لاس ته د امن په نوم واک پریوځي او هم داسې به د معدنیاتو ډکې علاقې په خبله ولقه کښې وساتي

د دې علاقو او اولس په بربادۍ کښې زمونږ د سیاسي مداریانو هم لویه برخه ده که چېرې دوي ورله آئيني لاره نه ورکوله نو هیڅ کله هم پوځيانو ته پې ضرورته کومې سېمې ته د داخلیدو ضرورت نه پېښیدو خو دلته هم یو ورسره دا اهمه خبره پورته کړې نه وي چې بل ورته اوګه ورمخکې کړې وي چې  مونږ ستاسو تابعدار یو . او دغه رنګ د ملک ټول واک اختیار ې  د خپل تش په نوم اقتدار او کرسۍ د پاره ورکړے دے او خپل اولس ې په خپله په قهر ککړ کړے دے