د امریکا د ولسمشر د منځني ختیځ ځانګړی استازی Steve Witko ff او سلاکار Jared Kushner (د ټرمپ زوم) د مارچ په ۱۰مه ټاکل شوې وه چې له Benjamin Netanyahu سره د لیدنې لپاره تل ابیب ته د راتګ پروګرام ؤ. دا دواړه د Donald Trump له تر ټولو نزدې کسانو څخه ګڼل کېږي. جیرډ کشنر هماغه کس دی چې Abraham Accords یې طرحه کړي وو. د غزې اوربند او د Hamas او اسرائیل ترمنځ د بندیانو تبادله هم د همدې کسانو تر څارنې لاندې شوې وه.
په Muscat او Geneva کښې له ایران سره په پټو (بیک چینل) خبرو اترو کښې هم دا دواړه شامل وو. له دې مخکې هم د جګړې پر مهال اسرائیل ته سفرونه کړي وو.
د اسرائیل د چینل ۱۲ او The Jerusalem Post د راپور له مخې، دواړو د ټرمپ په امر له نیتن یاہو سره ټاکل شوې لیدنه وځنډوله او سفر ترسره نه شو.
ولې؟
تر اوسه په رسمي ډول کومه وجه نه ده اعلان شوې او د نوې لیدنې لپاره کومه بله نېټه هم نه ده ټاکل شوې.
ویل کېږي چې امریکا د اسرائیل له هغو بریدونو ناراضه ده چې د ایران پر تېلو تصفیې (آیل ریفاینري) یې کړي وو، او په ځواب کښې ایران د Haifa د تېلو تصفیه خانه ویجاړه کړه.
د امریکا هدف د ایران دننه د رژیم بدلون، د ايټمی او توغندیو سایټونو په نښه کول وو، نه دا چې د تېلو تصفیې له مېنځه یوسي. خو د اسرائیل هدف د Islamic Revolutionary Guard Corps له منځه وړل، د ایران کمزوري کول او هلته د کورنۍ جګړې رامنځته کول بلل کېدل. د اسرائیلي راپورونو له مخې داسې ګڼلل کېده چې د ایران د ستر مشر له مړینې وروسته به خلک پاڅون وکړي، خو داسې ونه شول.
ټرمپ پر اسرائیل سخت غصه دی او وایي چې هره ورځ نزدې یو میلیارد ډالر لګښت پر امریکا راځي، او پوښتنه کوي چې تر کومه به امریکا دا تاوان ورکوي؟
د جګړې پر مهال د دواړو لوریو هدفونه ښکاره ډول بدل شوي دي.
تر کومه چې د منځني ختیځ خبره ده، د امریکا پوځي اډې یوازې د دې لپاره وې چې United Arab Emirates، Kuwait، Qatar، Bahrain او Saudi Arabia ته امنیت ورکړي. خو نه یوازې دا چې پکې ناکامئ راغلې، بلکې دا اډې پخپله د بریدونو سبب ګرځېدلې دي. نو بیا د دغو اډو موجودیت څه مطلب لري؟
اوس ویل کېږي چې دا هېوادونه فکر کوي خپل پانګه له امریکا څخه وباسي، او امریکا ته داسې راپورونه رسېدلي چې د جګړې تر ختمېدو وروسته ښايي دا هېوادونه په رسمي ډول د امریکا د فوځي اډو د ختمولو غوښتنه وکړي. ښکاره ده چې دغو هېوادونو ته له بل ځای څخه د امنیت وعده ورکړل شوې ده. یعنې د پېټرو ډالر نظام نور هم له خطر سره مخ شوی، او همدا ښايي اصلي تاوان او د لوبې بدلوونکی ثابت شي.
یوې ګرمې جګړې ته مونږ ګورو، خو بله سړه جګړه د امریکا او اسرائیل ترمنېځ د متحدینو په توګه پیل شوې ښکاري.
